【本報訊】警方限制記者提問招數層出不窮，雖然規定每間傳媒機構每次可發問三條問題，但昨日《經濟日報》記者發問三條問題，警方卻將第二條有關喬裝警跌槍的問題兩部份詮釋成兩條問題，拒回答第三條有關警員編號的問題，令記者鼓譟。
將問題一拆二耍賴
主持記者會的警察公共關係科警司高振邦馬上介入，「我哋一早已經定咗規矩係問三條……」，記者堅持警方按規矩回答三條問題，有記者不滿警方連問題數目亦要抵賴，「香港警察係咪二同三（題）都要同我哋拗啫？你打唔打人，我哋都冇同你哋拗，你二同三都同我哋拗，頭先應承咗係問三條問題㗎嘛」。有記者嘗試向警方解釋：「第一條問題係問太子站有冇殺錯良民，第二條問題係問跌槍，第三條問委任證，我哋大家都好清楚」，高振邦仍死撐「頭先江sir答咗兩條，而謝sir答咗一條。」
警方記者會「規則暴力」問題嚴重，除發問後收咪阻追問，要求澄清答案時會被阻止，記者投訴時，高更嘗試要脅腰斬記者會。
■記者曾偉龍