【本報訊】滙豐銀行員工梁先生（圖）昨趁三罷集會，在海富天橋設立街站，收集同業意見和簽名，冀招募銀行業界人士組織工會，準備更大規模的罷工行動。
指內部討論反送中有顧忌
他指，金融業界過去都積極參與反送中運動，如遮打花園快閃默站等，但因缺乏組織凝聚力量，規模有限，「如果受到打壓嘅時候，冇工會去保護返抗爭者」。
自稱是滙豐基層員工的梁先生指，以滙豐為例，現時未有明確阻止員工參與政治運動，「立場模糊啲，仲未有出內部指引叫員工唔好影響公司形象，但隨着個運動繼續發展落去，白色恐怖可能分分鐘會出現，好似國泰咁，𠵱家就要為未來準備定」，屆時定必更需要工會。他指，同事對討論反送中問題有顧忌，「都係唔係好夠膽討論，如果公司擺到明都唔會撐，你更加唔夠膽去做」。梁先生過去三度響應罷工，都是以請假形式出席，期望成立工會後可令更多銀行業界人員參與，「香港勞工保障對工人係非常之差，所以希望透過工人運動，做一啲工業抗議行動，以輿論反擊，呢嗰先至係加大反擊未來白色恐怖嘅力量，我哋網絡越大，我哋越安全」。
■記者梁銘恩