許亦妮（Whitney，現名許芷熒）為2011年度港姐季軍，昨晚在尖沙嘴洲際酒店設婚宴，與拍拖兩年多的商人男友Alex馮結婚，筵開40多席。由蔡思貝、陳曉華、梁麗瑩等擔任姊妹團。一對新人下午6時拖手接受傳媒訪問，其間兩人應記者要求，咀嘴長達半分鐘，十分甜蜜。
慶生日順便度蜜月
被問到「愛的宣言」時，Alex說：「初頭以為自己唔會喊，但一講到誓詞，自己都覺得好感動。」Whitney則說：「係呀，我喊到停唔到，我一世都會咁尊敬我老公，永遠都咁仰慕佢，當佢係No.1嘅偶像。」問到誓詞中哪一句最感動？Alex表示：「希望下一世我哋可以再喺埋一齊做夫妻。」Whitney聞言便說：「我又想喊喇！」
講到早上的接新娘環節，Whitney表示很感動，又笑言老公將財政大權交到自己手上，Alex補充說：「我會畀最好嘅嘢佢，唔只係錢。」提到結婚後要努力造人，Alex表示長輩希望他們生四個，湊成一對「好」字。
度蜜月方面，Whitney稱自己11月生日時會順道慶祝。問到婚後是否做全職少奶奶？Whitney說不是：「老公都好支持我，我鍾意煮嘢食，會拍片放上YouTube。」Alex即說：「佢煮嘢好好食㗎，我結婚前本身諗住減肥……」Whitney即為老公護航：「你唔係肥，你大隻咋！」結婚鑽戒方面，Whitney指卡數方面不清楚，只表示「係愛心嘅卡數」。
蔡思貝怕余德丞嬲
而首次真正做姊妹的蔡思貝，談到一對新人說誓詞時，忍不住躲在柱後偷喊。問到誰人接到花球？蔡思貝說：「我專注事業，唔需要，係一位圈外嘅朋友接到。」對於緋聞男友余德丞爆出被周秀娜搶走，蔡思貝說：「其實余德丞9月2號生日，我都有約佢下星期食飯。」問到有沒有呷醋，她說：「我怕佢嬲我唔得閒理佢咋，因為我拍緊劇。」
採訪：黃曉妍
攝影：林賓尼