林盛斌（Bob）育有三女一子，兩歲的幼子Jaye開始讀預備班，但囝囝怕返學，前日開學日因為三號風球而停課，但昨日就避不到要返學。阿Bob在Ig分享囝囝爆喊，並留言：「噚日三號風球救咗你，今日冇咁好彩嘞！『爸爸，你唔好唔要我啦，點解你咁狠心，點解呀！』」阿Bob最後更寫上：「今次已經係第四次俾途人以為我販賣兒童，三個家姐都係喊到全條街嘅人睥住我。」