【爆相爆片】77歲的盧海鵬一直都有糖尿病，今年初發現其中一條血管阻塞了百分之九十，最後要入院做通波仔手術。鵬哥康復快，他早前更為入行後第一部擔正做男主角的ViuTV劇集《仇老爺爺》做宣傳，還自爆開工時有向「廢青」游學修「試咪」，中氣十足。
日前有讀者梁小姐透過《蘋果》的「爆相爆片」在港鐵車廂內遇見鵬哥，她表示當日見到鵬哥獨自出動，雖然身形有點瘦，但尚算精神。梁小姐說：「當日下午12點半左右，喺美孚站往中環方向嘅車廂內見到鵬哥，佢最初係企喺度，列車突然煞停，身邊一位阿叔企唔穩差啲跌低，鵬哥好好，幫手扶一扶佢。」梁小姐還讓座予鵬哥：「我講咗句『鵬哥你坐吖』，佢都冇客氣坐低咗，仲講咗聲『唔該』。」鵬哥在佐敦站落車，梁小姐表示鵬哥全程表現很cool：「鵬哥坐喺車廂左望又右望，有啲發呆。但見佢都好精神，喺佐敦站落車，冇拎枴杖，腰肢挺直，呢個年紀算係咁。」
採訪：嵐山