31歲的崔碧珈（Anita）今年4月被爆與36歲吳浩康（Deep）秘戀，兩人一直否認拍拖，只以朋友相稱。可是，Anita前日凌晨忽然在IG Story上載幾張文字圖，分別寫「完了吧，如沒意外 #D。一段關係，只是一段友誼，你教的。一直是自己想得太多 #沒有誰錯。#做人最緊要對得住自己。是你一直教大家隱瞞。」還tag了吳浩康，暗示分手。
二人身邊好友指他們由年初拍拖至今，一直保持甜蜜未分手，相信Anita突然在社交網留言，是受近日情緒波動影響。該友人續表示：「Anita有情緒病都唔係秘密，佢早年受訪都有講過，但自立門戶後，有好多外地工作嘅機會，加上年初開始同Deep拍拖，有埋愛情滋潤，Anita嘅情緒一直都好好，但可能近日Deep派歌，開始要忙做宣傳，加上佢自己又要成日飛，見面少咗令佢亂諗嘢！」據知，吳浩康看見女友在社交網貼文後很緊張，即時向所屬公司英皇表明會公開戀情，不想令女友添壓力。
記者昨日聯絡到Anita，問到她與吳浩康目前關係時，她短訊回覆承認戀情：「因為自己最近嘅病情，令大家擔心，謝謝關心！無論發生甚麼事情，他一直在我身邊支持我陪伴我，我們很好。」
採訪：小米