【本報訊】逆權運動遍地開花，9月開學運動進入新階段，大專學界及中學生自發罷課，逾4,000中學生昨齊集愛丁堡廣場，爭取五大訴求。身穿校服的14歲何同學不滿警察「入車廂亂打香港市民，殺人唔眨眼」；中六蔡同學指，「（唔知）之後香港變成點，（如現在不發聲）到時會覺得自己冇資格後悔」。
「𠵱家唔出嚟以後冇機會」
逾4,000名中學生昨冒雨參與由中學生反修例關注組、青年反修例關注組及香港眾志舉辦的罷課集會，有學生戴上頭盔眼罩；有人用紗布遮蓋右眼，不少人身穿校服，披起雨衣，席膠布坐下。眾志副主席鄭家朗批評，政府提出溝通平台後，便考慮啟動《緊急法》和作大搜捕，毫無溝通誠意；警方則將暴力升級鎮壓示威者，學生更應發聲，「因為學生嘅前途係同社會綑綁埋一齊」。他又指，政府期望反送中運動開學後會停止，「但社會無法令學生安心上課」，如政府繼續漠視民意和學生聲音，不排除有進一步行動，包括無限期罷課。
18歲中學生Jamie表示，今年暑假是有生以來最深刻、最難忘的暑假，「我哋開頭咪話出去發夢嘅，唔係發夢，而係真係有人冇咗隻眼，冇咗隻腳，俾人斬傷，其實我都好想呢一切只係發噩夢，醒咗佢哋可以全部好返晒，開開心心喺煲底相見」。她又指，曾以為7.21是最黑暗的一天，但8.31發生的事令她「成晚喊到停唔到」。她相信學生可透過罷課表態，「我哋並唔會對呢個政權視若無睹，學生自身就係最強嘅武器，時間一長，就會對政府造成壓力」。
年僅14歲的何同學戴上黑口罩、身穿校服出席集會，他批評政府不回應五大訴求，加上8.31太子站「大屠殺」，他必須站出來發聲，「所謂香港警察，入車廂亂打香港市民，殺人唔眨眼」。對於警方大搜捕，並派出警車在罷課學校門外巡邏，他說：「去到呢個局勢，冇得再擔心，𠵱家唔出嚟、唔發聲，以後冇機會㗎啦。」
身穿校服的中六女學生蔡同學獲父親同行支持，「知道好多中學生因父母反對，都冇得企出嚟，所以更加要嚟」。她不滿政府一個訴求都沒有回應，警察濫暴、濫權亦沒有停止，「（唔知）之後香港變成點，（如不發聲）到時會覺得自己冇資格後悔」。
■記者李思潁、 李詠希、周婷
罷課學生心聲
林同學（中六）：
「如果香港冇咗自由同民主，等同冇咗未來，所以必須企出嚟爭取，到時讀咗大學，而呢個社會已經冇咗民主自由，又有乜意義？」
鄭同學（中六）：
「校長提醒過唔好經常參與遊行集會，因為驚發生意外，斷送咗前途，日後揾唔到工做……問題出現咗，你唔講、唔處理，件事只會越嚟越大。」
張同學（化名）（中三）：
「前途冇分階層，抗爭緊嘅全部都有前途，唔係只得某幾個人有前途，有人更用前途作賭注，飛機師都俾人拉，唔通（抗爭）一定要留畀低下階層去做？」
