葉德嫻（Deanie）、蘇玉華、潘燦良和凌文龍等將於12月演出27場舞台劇《親親麗南》，劇團昨日在香港藝術中心舉行宣傳活動。Deanie姐多次上街參與反送中活動，對於連日有暴力行為，她說：「希望大家明白到點解出現暴力呢樣嘢，唔好忘記點解出現呢件事先，喺呢度我更加要多謝年輕人，6.12唔係佢哋，呢個惡法已經通過咗，點都好，好多謝佢哋，直至今日呢一個時刻都係。」
「唔痛心嘅係冷血」
被問到是否不割席，她點頭認同，連日大批巿民被追打，令Deanie姐感到痛心，她說：「相信唔痛心嘅係冷血，不過都有咁冷血嘅人存在，都好多，所以痛唔痛心睇人啦。」Deanie姐不割席繼續支持學生，呼籲「學生堅持，你哋做得好啱，你哋冇做錯。」問到今次風波有沒有方案解決？她清晰表示：「我有咁嘅權咩？個權喺邊個手，佢咪可以解決囉。」
出道首演舞台劇
而蘇玉華和潘燦良對於邀請到葉德嫻加入甚感興奮，原來年半前阿蘇演出舞台劇《謊言》時，Deanie姐有買票入場欣賞，之後二人在戲院巧遇Deanie姐，阿蘇便放膽上前邀請Deanie姐茶敍，後來再邀請她演舞台劇。Deanie姐指：「兩位相約我時只係諗住交個朋友，個心卜卜跳之外，都唔知點解會搵我，二話不說應承咗。」這次是Deanie姐出道50年首演舞台劇。
Deanie姐透露做舞台劇考記性，自認冇後生仔吸收得快，反觀凌文龍在舞台劇界已有十年經驗，她得知後稱凌文龍為前輩。Deanie姐說：「對我嚟講戲劇想帶出咩畀觀眾就做，唔好理，咁樣啱唔啱呢阿Sir？」身旁的凌文龍快速回應：「唔好玩我啦太后，我係小龍子，畀條路行吓好。」能夠同Deanie姐合作，他表示興奮多於緊張：「第日可以同人哋講『我同Deanie姐做過戲！你行開啦。』」
採訪：卓寶花
攝影：葉君海