【本報訊】前晚港鐵太子站有被速龍小隊毆打受傷的乘客抱頭痛哭，畫面震動人心。市民Joshua（化名）就在稍遠處目擊事件，他當刻非常憤怒，但擔心反抗令警察更殘暴，只能被動抵擋。他聲稱，列車駛離前，隔車門見到一名速龍小隊警員在月台舉起手機自拍，「佢喺度對住車廂自拍，又影太子站嗰兩隻字，我覺得有冇可能呀？你濫用暴力入嚟打完人，仲要自拍炫耀自己所做嘅行為，我覺得係唔可以接受！」
列車駛走一刻乘客痛哭
當列車關門駛走一刻，很多車廂乘客放聲大哭，Joshua批評警方濫暴猶如黑社會，「佢哋同黑社會冇分別，同7.21嗰班鄉黑冇分別，佢可以濫用任何權力，入嚟毆打、入嚟拘捕所有嘅市民，佢哋仲係一個有紀律嘅部隊咩？」
他又批評港鐵配合警方關閉車站，令警察衝入車廂打人，「令到市民無路可走、無路可逃，全部乘客都係好無助」。他質疑警方根本無法分別誰是示威者，「示威者變裝只係需要好短時間，可能一、兩分鐘佢已經換晒衫，除晒佢啲裝備，當警方入到嚟，佢點樣去分？」
■記者潘柏林