董敏莉和9個多月大囡囡莊子子，日前母女檔拍攝廣告，她自覺女兒盡得媽媽真傳，不停擺甫士，甚有模特兒天份，「平時做嘢都會帶埋佢一齊，可能睇得多，學識擺Pose，加上佢好多笑容，好似幾適合呢行。其實我都唔反對佢做童星，𠵱家慢慢有客戶想搵佢，我掹車邊先有工開咋！呢兩個月都賺咗兩年學費。」
雖然子子還未到1歲，但已經開始返學，董敏莉大爆子子想跟異性玩：「佢一見男同學就好熱情，主動撩人玩，嚇到對方喊晒口。我要叫佢保持矜持，女仔要等男仔追先馨香。」此外，她早前和梁漢文拍攝ViuTv新劇，戲中有激吻場面，她笑言女兒長大後才可以觀看，到時可以當作性教育之餘，亦可得知媽咪的工作性質。
撰文：葉晴