周秀娜與已婚電影監製黃永峰Charlie傳緋聞傳足8年，近日被指有新目標，有雜誌指她暗撻細她5年的大台男神余德丞，大搞地下姊弟戀，戀情已有3個月。
據雜誌報道，娜姐的好姊妹馬天佑是二人的紅娘，而二人早前被影到去睇電影，其間娜姐一直垂下頭，十分小心，而余德丞就四處張望。完場後，二人去到停車場攞車時，娜姐就較為放鬆，上了座駕，齊齊返歸。二人拍拖就常搵馬天佑做擋箭牌，如出街或睇容祖兒演唱會都三人行外，娜姐更手挽着馬天佑轉移視線。去年，二人先後搬到大坑道豪宅嘉園，近水樓台變成鄰居，加上馬天佑出力撥扇，關係更升級發展變情侶。娜姐昨日回覆《蘋果》：「我哋只係普通朋友，我𠵱家冇拍拖仲係單身，絕對歡迎有好嘢介紹畀我，多謝大家嘅關心。」
採訪：嵐山