健力士世界紀錄最長壽DJ郭利民（Uncle Ray），日前接受港台《舊日的足跡》節目主持車淑梅訪問，首度剖白跟已故方逸華曾有一段情。多年來一直單身的Uncle Ray，被問到可曾談戀愛？他說：「其實我有拍過拖，可能你會唔相信，方逸華其實係我女朋友。佢好鍾意唱歌，我好鍾意音樂，我哋好合拍，最鍾意去淺水灣沙灘嗰度唱住歌嚟拍拖。」Uncle Ray表示分手不是他決定：「我哋拍咗拖幾年後唔成功，係上天決定。我哋一直都係朋友，每一年我生日佢都會特意送上一份名貴禮物，但係從來都唔會留低食飯，邵逸夫先生走咗之後，我哋依然係好朋友。」
希望100歲退休開騷
將於12月迎來95歲生日，Uncle Ray依舊在周一至周五晚主持港台節目《All The Way with Ray》。為慶祝生日，他將推出入行70年特選的中文唱片，以及出版中、英文版自傳，並接受香港歷史博物館邀請，在2022年公開展出個人收藏品，包括國際巨星披頭四樂隊（The Beatles）四子的親筆簽名及眾多珍貴黑膠唱片。
Uncle Ray希望在五年後踏入100歲當日榮休，並舉辦百歲壽辰生日演唱會，邀請所有認識的歌手一起慶祝。此外，對於本港現時問題，在香港土生土長的Uncle Ray說：「希望香港人唔好搞到香港難住，做人最緊要對人好，開心做人就會長壽。我從來冇諗過移民，希望到最尾都係香港人。」
撰文：葉晴