揀油漆務求不刺鼻，不中毒，不脫色，五大功能缺一不可，包括淨味、防霉、防潮、覆蓋細微裂紋、耐擦洗。買樓髹油，業主十之八九都會聽裝修師傅建議選用五合一油漆，事關功能全面，價錢相宜。五合一油漆可以用價錢分級，分別是中價貨（約250至350元）及高價貨（約700至800元），人稱「大哥榮」的油漆老行尊東誠漆油老闆區志榮推薦：「中間價嘅五合一油漆（約250至約350元）啦，唔使去到咁高檔層次，五合一樣樣齊。」
中間價300多元
裝修佬平台聯合創辦人鄧世民（圖）介紹，常見油漆包括乳膠漆、手掃漆、清漆、磁漆等，乳膠漆屬於水性油漆，有室內及室外的分別，室內乳膠漆對於甲醛、揮發性有機化合物（VOC）的含量有嚴格規定，室外乳膠漆抵抗日曬雨淋的功效較高，一般用於住宅室內固然是水性乳膠漆。
選購室內乳膠漆，可以用價錢分開3個級別，依次為「師傅油」、五合一以及帶附加功能的五合一，絕大部份消費者於住宅室內均選擇五合一乳膠漆。
區志榮表示，目前室內乳膠漆每罐5公升售價由100多元至800多元，價錢分野主要由於品牌和質量。「現在隻隻油漆遮蓋力都差唔多，係差在環保、味道、抗甲醛等，三、四百蚊嗰啲咩效果都有，好靚。更高級就係700至800蚊，更耐用。最平百零蚊，通常髹劏房。住家通常都用中間價，300幾蚊，防潮、抗甲醛嘅效果都好。」