【財經專訪】年輕一代常被揶揄「廢青」、唔捱得、常做夢追求不切實際的東西，歐萊雅（L'Oreal）香港總裁暨董事總經理余寶珍（Eva），卻看到他們的另一面：「追求一些普世價值，希望突破現狀，有更多權力及自主空間。」
搞open office增效率
為此，她致力進行辦公室改革，改為全開放式辦公室（open office）。作為管理層的她，現時每日上班亦「坐無定所」，無房亦無私人空間，「一個人的領袖才能，唔係取決於你間房有幾大，而係在於你點樣影響你所有同事，令佢哋有最好嘅發揮。」
「我最多時間其實在會議室，根本用不着咁大嘅空間。」余寶珍3年前上任後，首項任務就是籌備搬office，由過往管理層有房坐，改為open office及無固定座位（free seating），冀促進同事面對面交流，加快工作效率，「如果同事喺你附近，其實係直接過去，好過你寫好多email啦，我自己都send少咗email。」
的確，余寶珍雖貴為香港一姐，但每日都要與其他同事一樣，手執電腦四圍搵位坐。曾經她擁空間感十足的私人辦公室，放滿高跟鞋、化妝品，但現只有一個儲物櫃擺放私人物品，「以往傳統嘅管理層覺得，有間房都感覺自己係高級啲，我覺得其實呢個年代係唔需要。」
比起自我滿足感，她更強調團隊精神，「新畢業嘅管理實習生，都會坐我對面，我諗咁代表呢個新方法，係打破咗好多嘅隔膜。」她笑言：「亦因為咁，我每日都覺得自己年輕咗。」為兼顧同事私隱及保密的憂慮，公司於辦公室設立多個隔音房，方便他們傾談機密電話。
改革不單是硬件上「靚就得」，更重要是「軟件」要與時並進。她表示正力求工作氣氛現代化，又明白年輕人追求自主，因此公司管理架構上盡量從簡，令員工可有自由發揮空間，有權自己做決定，「令同事覺得這是我負責，有決心做得更好，效率反而提高咗」。公司亦推出彈性上班時間，但惹來不少員工憂慮，「有同事會擔心，其實我唔知你喺屋企做緊咩。」她指出同事之間的信任，是新制度的根本，「我覺得時代變遷，我哋唔革新，我哋可能會損失好多機會。」
另外，在網購盛行的年代，L'Oreal旗下品牌卻選擇拓展實體專門店，余寶珍稱此舉可提高顧客的忠誠度，例如SkinCeuticals有儀器分析膚質，從而調配個人配方護膚品；YSL的流動舖位結合線上線下，令顧客可網上購物，現場取貨。
記者：余曉芸