【九龍城】現年70歲的徐小鳳日前現身九龍城，當日下午5時許，素顏的她親自駕車到九龍城的雜貨店掃食物和日用品。小鳳姐在台上演出時偏愛穿波波裙，估不到平日出街的她，衣着都會挑選小波點衣飾。當日小鳳姐出巡就選擇披上波點絲巾，襯背後有波波圖案的長裙，再加上黑超星味十足。
老闆代放上車
小鳳姐單拖駕車到九龍城一間雜貨店外，但因當時街上泊車位已滿，小鳳姐竟違規double park在路邊，隨即急急腳落車走入店內。小鳳姐甫入店後即左揀右揀，並且跟店員有講有笑，估計是熟客仔，她先後買麵條和雞蛋等食物，只見她大量入貨，單是麵條都差不多買了十包，跟着再在貨架選其他貨品，店員遂把小鳳姐買的貨品放入一個紙皮箱中，收穫甚豐。原本小鳳姐手中拿着一叠「紅衫魚」，但可能她已心算到應不夠，於是再在手袋拎出一張「金牛」付款，之後雜貨店老闆親自為小鳳姐搬一箱食物放到她的車上，不用小鳳姐操勞。
絲巾包頭遮雨
放好東西小鳳姐便駕車離開，但不久她又折返再次double park停在街上，當時正下着細雨，但小鳳姐懶得開遮，索性把肩上的絲巾包着頭，加上身上的長裙，小鳳姐頓時變成「印度西施」，無懼街坊眼望望。小鳳姐狼狽冒雨走入一間賣膠袋的店舖，今次只買了一小袋東西，但女店員依然貼心為小鳳拿到車上，而小鳳姐返到車旁發現自己違規泊車，兼正阻塞着別人的車輛未能駛出，她即敏捷地返回司機位駕車離開。
採訪、攝影：羅德光、吳耀輝