祖雲達斯中堅基亞連尼喺訓練中重創，右膝十字韌帶撕裂，雖然官方就冇透露呢位意大利國腳要唞幾耐，但外界估計至少都要半年。不過，基亞連尼受傷都意味住首輪只坐後備席嘅新兵馬菲斯迪歷特，馬上可以穩奪隊內正選中堅嘅席位。雖然祖記一早就當正佢係基亞連尼嘅接班人，但家陣咁嘅情況就畀咗佢一個提早接班嘅機會。