【本報訊】政府於8.31前夕高調進行大搜捕，但逾萬計市民無懼威嚇繼續上街，多名民主派人士及立法會議員與市民齊上齊落，現身昨日的集會遊行，當中包括壹傳媒創辦人黎智英與部份民主派議員在港島「自由行」，即使今天上街或被政府視為違法，黎智英表明：「就算今日我哋唔係出嚟示威、我哋只係自由行都好，（用行動顯示）唔可以俾佢（政府）嚇怕。」民主派會議召集人毛孟靜表明不怕被拘捕，強調要以議員身份監察警方行動。
毛孟靜指林鄭想一箭雙鵰
黎智英與工黨李卓人、民主黨楊森昨現身修頓球場，參與市民自發的唱聖詩及祈禱活動，其間亦有高叫「香港人加油」等口號。黎智英向《蘋果》表示在威嚇下仍會堅持上街，強調不能被政府嚇怕，又認為政府前日的大搜捕行動只是開始，陸續有來，「呢個係恐嚇，等啲人今日唔敢出嚟」，同時認為當局是想為引用《緊急法》試水溫：「想喺出（引用）與未出之間，作一個試水（作用）。遞捕咗、等你班人驚，咪唔使用呢個緊急法。」問及香港人在此困局下如何自處？黎稱：「繼續囉，繼續堅持囉！」
民主派會議召集人毛孟靜昨午亦現身遮打花園，她指自己會以議員的身份監察警方行動，不擔心因為今日出街而被檢控，「香港係自由城市，冇理由因為行街而俾人拉」。她評估，林鄭前日大舉檢控民主派人士，以為可一箭雙鵰，若然今日少人上街，可以向北京展示其強硬手段有效；若然多人上街，即顯示有訂立《緊急法》的需要，「佢以為兩邊都贏，但其實唔work，你睇到今日香港人仍然企硬出嚟」。
■記者陳嘉裕、姚國雄