陳凱琳（Grace）昨日在尖沙嘴出席運動品牌活動，早前Grace與老公鄭嘉穎慶祝結婚一周年，她說：「嗰日喺屋企見到紮花，我都冇諗過佢會畀驚喜我，我仲問佢係邊個送嚟？佢話『係我送畀你㗎，老婆』。當日佢求婚都係送黃玫瑰，今次都係，所以特別有意思。」她透露今個月是囝囝6個月生日又是老公生日，因此結婚周年選擇簡單慶祝。問Grace可有為囝囝舉行6個月生日會？她表示與家人吃飯慶祝：「老公開始投訴，BB每個月都搞生日party，佢話『夠啦，等BB真係一歲先慶祝』。」
同場的森美自爆日前被老婆指他老，又指自己快將50歲。他笑指年輕時希望40歲可以退休，現在惟有希望50歲可以實現：「只要我個女唔去外國讀書就得，我自己都喺香港讀書，我覺得香港讀書都OK呀，如果佢哋喺香港，我又可以成日見到佢哋。」
採訪、攝影：盧妹