周秀娜及王曼喜昨日到尖沙嘴出席活動，周秀娜表示久未現身香港公開活動，她坦言因社會氣氛影響工作量：「唔多唔少有影響，我諗唔只呢行，各行各業都有影響，我覺得大家安全最重要。之前傾落返內地嘅工作，大會都基於安全同政冶問題取消。」近日很多藝人紛紛表態，周秀娜表示暫時未有壓力。問到周秀娜可會趁機專心留港工作，她說：「出道到𠵱家都以香港為工作重心，其實喺邊都冇所謂，最緊要做好自己。」現時為賀歲喜劇電影開工的她，被問到還笑得出嗎？她說：「我哋都係想帶啲歡樂、正能量畀大家，我哋可以做嘅好少。」
另外，王曼喜提到早前在Ig貼上與媽媽馬詩慧的出浴照，她透露平日在家中全家習慣坦蕩蕩：「我哋好open，成日唔着衫走來走去，我已經最保守。」
採訪：盧妹
攝影：陳慧安