女子組合FFx於四年前憑900元低成本製作的《SUGAR BABY》MV，騎呢彈出，當年年僅16歲的成員周葆諭（Christy）人氣最高，卻突然離隊赴台灣高雄修讀職業治療課程，化身「醫療女神」。Christy早前放暑假返港，坦言當年曾被經理人挽留，問她「點解唔留喺香港做女神，辛苦建立咁多嘢都要放棄？」但Christy覺得如果有quali都會成為女神：「唔應該將喺娛樂圈建立咗嘅嘢，而放棄之後嘅可能性。我覺得讀職業治療後，係一個新嘅人生，冇後悔過。」
撰文：嵐山
攝影：葉君海
現年20歲的周葆諭2015年離開女子組合FFx，到高雄修讀職業治療，早前放暑假返港期間，接受《蘋果》專訪，她自爆小學時成績差，其後發現有讀寫障礙，不過經過努力後已克服。Christy正在義守大學就讀，還有一年才畢業，對於香港近日政局，她說：「唔係因為呢件事都有少少想（移民），但亦掛住香港，始終台灣薪金比香港少兩、三倍，到時睇吓邊度缺人手，最初讀呢科都係想幫多啲人。」
Christy在學期間到老人院參加復康活動，她說：「一位老人家突然羊癇症發作，先知原來我哋做復康都需要急救知識。之前我又好怕同人有身體接觸，驚男女授受不親，以前係幫病人抹gel都唔OK，但其實做治療師唔應該介意。」
隊友妒忌身材
外形清純的Christy，其實擁有35D巨咪，當年在組合中更招來隊友楊澤怡（Shirley）妒忌，兩女爆不和，Christy更被揭與經理人Sam拍拖。她呼冤說：「佢冇追求過我，我成日嗌佢爸爸，如果我親生阿爸追求我都幾奇怪。」她又表示知道Shirley不喜歡自己：「覺得我搶咗佢風頭，特別呢個圈，我明嘅，我有嘗試對佢好啲，因為一個team紅唔紅都好，最少要團結先。但爆咗呢單新聞，我係好介意。」組合拆夥後，兩人有食過「和頭飯」，但感覺很怪，Christy反而與另外兩位拍檔李詩詠（Ceci）和潘穎琳（Mizaki）仍有聯絡，問到會否再重返娛樂圈？Christy說：「睇機遇，應唔應該好睇觀眾，main point係有冇人睇得起我，但我都會以職業治療為主。」