黃婉曼和會計師馮柏基結婚五年，現已變成一家四口，大女Kyra兩歲，幼女Kaitlyn轉眼也已三個月大。黃婉曼日前為幼女搞百日宴，由於她屬豬，大女又是Peppa Pig忠粉，於是黃婉曼就以豬為主題，揀選了相關公仔佈置會場，Kyra開心到滿場飛，比主角更興奮。
黃婉曼昨日接受《蘋果》電話訪問說：「家姐好鍾意呢個豬公仔，所以家姐係全場最開心。」黃婉曼又指Kyra全場四圍找人和公仔影相之餘，又向每一個人派goodbye kiss，似足親善大使。黃婉曼續說 ：「而BB每日都仲好鍾意瞓覺，佢6點仲瞓緊，我哋都冇叫醒佢，但到切蛋糕時，妹妹醒咗，眼仔睩睩一齊影相。」黃婉曼指幼女越大越可愛：「我期待佢再大啲，可以同埋家姐一齊去街。」
採訪：陳杰