譚文豪在最近的示威中彈出，聲嘶力竭站在前線與警察理論，連登仔瘋傳激讚，封為男神，他苦笑：「搞到𠵱家有警察針對我，其實我都係講道理啫。」男神稱號背後，他犧牲了陪伴子女成長的寶貴時間，「議員係一個commitment（承諾）」。
周六、日常有集會，上周六九龍灣麗晶花園管業處抗讓黑衣住客回家，譚文豪亦在現場調停，「麗晶嗰晚，有警員用警棍不停撞前面街坊。我大聲叫佢冧把，叫佢冷靜啲，好多鏡頭影住你，唔好違反警例」。修例風波的這半年，他每天開會、睇文件，回到家往往已經10點，一對子女都已入睡，「有一段時間都覺得幾辛苦，不過我又諗好多香港人都OT啦。何況議員唔係一份工，係個commitment」。
拒移民 「要走嘅係害港嘅人」
譚文豪分別2007年、2011年、2012年、2015年參選區會或立法會，終於2016年接梁家傑棒勝出九龍東直選。自從當上議員後，機師四處遊歷、休班去玩樂的生活已經一去不返，「塊滑浪板我三年用過兩次，真係幾陰功。𠵱家我最長離開香港旅行不過五日」。當機師日夜顛倒，但總有放工的時候，當議員要全日on call，「梗係唔習慣，返屋企都唔係完全休息。仲有好多人邀請你去活動，一年搵你一次，但當好多人搵你，你啲時間就冇晒。星期六、日好彩就可以陪屋企人一日半日」。呻完辛苦，轉個頭又說其實也是自己所願：「人哋鍾意你先同你去嘅。」
當很多中產已計劃移民，他為香港投入所有，更自斷後路放棄機師一職，「我視香港為家，要走嘅係害香港嘅人，或者對香港冇感情、純粹賺佢錢嘅人」。