林奠公開表明，唔係聽唔見，係唔接受「五大訴求」。然後，突然放風，會祭出緊急法。羈留、充公財產、禁制連登Telegram與傳媒…言之鑿鑿，信佢「一誠」，雙目會「澳門特首」嗎？聽湯渣護法，我思疑林奠極大可能受了李嘉誠先生黃台摘瓜全版廣告的刺激，一向感性嘅佢，終於按捺不住，搲爛塊臉，武后上身，何堪N摘的瓜，最後在她「愛自己」兼「一個都不能唔拉」的前提下，林奠甚至會順手摘埋鉅楷皇朝兩隻瓜！這樣，便「無後顧之憂」。
689封港獨之父，林奠貴為攬炒之母，對香港重手落山埃，攬炒的殺傷力，她這個同理心考第尾的精英，唔會了解。民望輸到剩條底褲的林奠，已經上好彈匣，邊個夠膽跪在她面前，懇請她放下左輪，勿將香港釘蓋？荃灣、葵芳、深水埗、黃大仙、將軍澳與太古的街坊，預咗被自然反應一腳踢開啦。
緊急法一出，等同出解放軍前的戒嚴。軍管陰霾，緊罩18區，商貿玩完！核爆都唔割的香港人，毋忘初衷，風雨中抱緊五大訴求，暫停夢遊，落閘熄燈，返屋企睡覺。十一？70周年？慳啲！