設計初創，最難是找客人和資金，超過一半捱不過頭半年。28歲香港女仔劉臻（June Kimberly Lau）兩年前因為送禮給男友，做了一條蘇州雙面繡蝴蝶袋巾，誤打誤撞下，開創了自己品牌。冷門的袋巾，高成本的雙面繡，幸運遇上近年重視手藝、匠人精神的熱潮，開業三星期回本，生存至今。「我哋未必係target緊95% of the world，但我哋係fit緊5% of what we really need。」更偏鋒更小眾的，有時反而就是生存之路。
撰文：林妙萍
攝影：郭賢興
28歲劉臻來自小康之家，兩年前創立時尚品牌Novel，專賣一條要價近三千元的人手刺繡蝴蝶袋巾，今個月剛搬到受資助、免租的新場，「公司一開始係one man band，𠵱家都係one man band。」
拍膊頭慳錢
每個人的創業都有一個故事，劉臻因為愛上一個art form：蘇州雙面繡開始，「因為上一份工要四圍去，嗰時去蘇州，喺街邊見到啲婆婆賣刺繡，覺得好可惜，所以幫佢哋買咗一堆，再留下聯絡，之後就喺WeChat搵佢哋做。」她最初只是想做一條袋巾送給前男友，後來朋友們覺得有意思，就開始當一門生意去run，而蝴蝶主題取自「you give me butterflies」，這個諺語有心動的意思，每一隻蝴蝶都真有其蝶，依據該一品種蝴蝶的顏色、大小去製作、手染。
匠人工藝時間成本高，「師傅要有二、三十年經驗先做到一個靚嘅雙面繡，繡一個piece要35小時，第一年自己投資咗三十萬，有一半錢都係用來做刺繡。」錢燒得快，product成本沒有得慳，劉臻開始靠拍膊頭找攝影師、graphic design等，最幸運是開業第三個星期，勝出了連卡佛一個設計比賽項目，從而得到第一張定單，回本可以繼續做。
為父母留港
「一開始冇諗冷門呢回事，衝住去，自己鍾意就做，冇諗過個mass market點樣去攻，乜叫wholesale price都唔知，從冇諗過點樣賣，去邊度賣呢？我哋嘅product非常偏門，所以正常setting都未必捱得住。後來諗番，又有好有唔好，有好處，就係我哋咁冷門，好多媒體願意嚟採訪，又有真係識得睇呢個art form嘅人，好似art gallery、auction house呀，個個方塊嘅人會來搵我哋。」得益於傳媒宣傳、工藝精神的成份，令她的小品牌成功built up，有機會跟設計機構去日本、巴黎及杜拜推廣。
在香港這個大市場的小城市做設計startup ，是否又相對更易？「因為父母都喺香港，都老喇，所以我要返嚟，我覺得邊度start business都唔係問題，係你有冇心去做，機會同人都係你自己去搵。𠵱家個age同十年前去做嘅又唔同，十年前佢哋可能去做trade show，去一次閒閒哋都十萬啦，呢兩、三年係你肯去做啲free嘅advertisement，已經有人買，brand story image同behind the sense更重要。」
年捐30%利潤
略盡綿力去保育心愛工藝也是品牌使命，每年會捐出品牌利潤30%，培育下一代工藝師。「因為我哋嘅art form都係非物質文化遺產，所以都想挽留住，再傳畀下一代。」
更多精采時尚內容，盡在 http://add.appledaily.com。