【本報訊】抗爭前線上，兩個夢遊者相遇。「你太細個，不如你返屋企啦，唔好留喺度，呢度危險。」說話的人是Leo（化名），15歲，身高不足1.7米，今年升中四。「呢個未來係我嘅，冇人可以阻止到我！」回話的人13歲，身高約1.5米，一臉稚氣卻語氣堅定，教Leo無言以對。
這個暑假，Leo沒如常踩單車游泳消磨時間，由6月初的和理非，蛻變為今天的前線勇武派。衝入立法會、持木盾擋橡膠子彈、徒手檢起催淚彈擲回去，統統不怕。7.27光復元朗，他卻害怕眼前的13歲小弟弟受傷被捕。
「因為佢太細個……我唔想再多個比我更細嘅人俾人拉。」訪問之時，反送中運動最年輕被捕者是一名13歲女生；執筆之時，Leo的憂慮成真，最年輕紀錄降至12歲。7.27當日，那個13歲小弟弟不願走，Leo沒辦法，只能留下陪伴。入夜後，小弟弟終於肯離開瀰漫催淚煙的元朗，Leo送他到西鐵站後，轉身回到前線。
「子彈冇打中個頭算好彩」
面對全副武裝的警察，Leo手上只有一個木製盾牌。當談到第一次擋的橡膠子彈，他說衝擊力不算太大，平淡得像閒話家常，「冇打中我個頭或者隻眼，我覺得已經算好彩」。當日催淚彈放題，其中一枚落在Leo腳邊，他想也不用想，便徒手拾起，擲向警察防線，「溫度其實都係熱嘅，但係掟完我先感覺到係熱嘅」。
「做勇武呢個角色，都係預咗最前、預咗俾人拉。」6.12目睹警察槍指示威者，看到手足受傷被捕，Leo於是越走越前，擔心自己若退縮，勇武派人數可能不足，「到時可能會有好多比我更後生嘅和理非上前線」。
年僅15歲，念茲在茲的卻是「太細個」、「更後生」的抗爭者，究竟Leo眼中那條線是幾歲？他回答：「15歲或者以上。」記者不禁問，除了他本人是15歲外，還有其他原因嗎？他思索良久，才吐出這幾句：「原因就真係冇乜，太細我硬係覺得唔想咁快逼佢上去。」開學後Leo打算響應罷課，藉此向同學解釋社會情況。在Leo心中，勇武與和理非密不可分，8月22日參與和理非的中學生集會，雖帶備頭盔和豬嘴，但只為「以防萬一」要保護同路人：「和理非表達意見，仲係唔聽，就要勇武出手，令政府回應。」
■記者鄧力行