「國泰有種just culture，有事just report，講出嚟就得，唔會有懲罰」。任職國泰機師18年的立法會議員譚文豪指，國泰過去為航空安全着想，鼓勵員工提出問題，由此建立空中王國。這種鼓勵report文化，近日演變為員工「篤灰」黃絲同事，人人自危。國泰就如由鐘擺的一面走向鐘擺的另一面，由對工會最開放的英資，變為瀰漫白色恐怖的企業。
記者：孫樂祈
譚文豪最能體會國泰的管治劇變。早前他辭任機師，意欲保護國泰，對公司仍存有感情。有傳國泰的清算名單高達200人，他狠批是篤灰者將個人政治立場凌駕公司利益，又質疑今次打壓是趁機扶植中資航空或逼太古出售國泰。一國永遠大於兩制，大部份企業都無反抗籌碼，「好心酸，因為你能夠做嘅嘢接近冇」。
反修例逆權運動中，以國泰為首的航空界7月底於機場舉行「和你飛」集會，其後8.5罷工當日至少152個航班取消。槍打出頭鳥，國泰上至行政總裁，下至後勤離職，只要有支持運動的言論，就能直接解僱。即使如此，國泰員工未有噤聲，企出來抗議公司決定。
管理層昔日包容發聲空間
這種抗爭文化，一直流在國泰人的血中，譚文豪亦曾挺身爭取港人機師與外籍機師福利看齊，「見到唔妥就發聲，大家講嘢都唔驚講出嚟俾人笑、俾人鬧」。高官逃避問題，可能繼續意氣風發；機師無視航班安全問題，是會死人。「過去好多災難，唔係冇人發現，係冇人敢發聲」，性命攸關下，培養出航空界對於「問題」、「唔妥」很敏感。
故薪酬不滿意，罷工；空中服務員55歲強制退休，罷工；空姐多年來強制着裙，罷工；甚至見到香港出問題，2012年反國教運動、2014年雨傘革命，工會亦發聲與港人同行。譚文豪認為國泰管理層包容的並非政見，而是發聲空間，「一間健康嘅公司，一定要容許員工發表意見，唔係員工越來越唔敢出聲」。
國泰是英資企業，要融入華人長幼有序、輩份涇渭分明的社會中，亦刻意培養寬容、開放的文化，讓員工勇於面對問題，「梗係想員工老實講（出問題），好過冚住，所以即使犯錯，違反公司指引，但如果係有良好意願，有乜嘢都係just report，唔會懲罰」。
主權移交前內地一直想染指香港航空業，太古數次引入中資股東，但又訂立條款，對國泰擁控制權，包括對於董事局中的21位成員，共可提名17位候選人。
可惜世事計劃往往趕不上變化。譚文豪8月20日主動放下國泰機師身份，期望能換取民航局「撤回」對國泰的打壓，「我冇犯法，又已經冇飛（後期轉任培訓），但我唔想令內地有藉口，尤其我同呢間公司咁深厚感情」，然而打壓沒有因譚文豪辭職停止。
「好心酸 做到嘅嘢接近冇」
國泰開放的文化因內地打壓變成內部篤灰，「𠵱家第一件事睇你藍定黃先，之後先決定點『做』你，咁咪唔健康，冇人敢出聲，𠵱家唔出聲最安全」。白色恐怖下，暢所欲言變成自我審查，「你將自己嘅政治立場凌駕公司利益，不單出賣同事、佢屋企，亦令公司永遠喺新聞出現。民航局用顯微鏡睇公司，如果公司再受任何制裁、懲罰，呢班員工要負好大責任」。
譚文豪亦質疑打壓是趁機扶植中資航空，或是逼太古出售國泰，「林鄭話私人企業內部運作，政府唔應該有角色。但唔好意思，中國政府唔係咁睇」。一國永遠大於兩制，「好心酸，因為你能夠做嘅嘢接近冇」。連登仔對外登報尋求外國勢力援助，國泰人未能仿效，他形容中國如同「閂門打仔」一樣，「香港喺國際民航組織冇say，好似上海同深圳有空域問題，唔能夠上升到國際層面，話中國咁對我哋唔公平，佢處理唔到」。
「會唔會逼太古賣盤，扶植中資取締國泰呢，呢個都有可能」。國泰彷彿香港的縮影，「有律師掛牌，律政司都出信反對（去信指接獲市民投訴），唔好話幾多年前，三個月前都冇人諗過會發生喺香港」。他預計航空業以外會有更多專業界受打壓，「會計師可以話你有機會洩露國企機密，教師可以話你荼毒學生，廚師話你唔知加咗咩料」。
大團圓結局未必出現，但香港人不會放棄香港，他對國泰亦一樣，「國泰咁多年，同香港人一齊成長，當中當然有唔滿意，我最想發生嘅嘢過去之後，會回復之前嘅國泰」。