「條封鎖線喺度呀，你識唔識㗎！你係唔係commander呀？唔係就收聲啦！」譚文豪於示威現場對警員的「寸嘴」形象，與評論國泰時的態度大相逕庭，「全間公司三萬幾人都明（為何裁員），雖然有人唔同你講道理，只不過你同員工都係需要保持溝通、講道理」。
他對國泰的感情溢於言表，甚至於白色恐怖期間主動辭職，為免公司難做，「由細到大都對公司好有印象，打鼓個廣告好深入民心」。對出身貧寒的譚文豪，坐飛機是一件遙遠的事，故他打從年幼已迷上飛機，「鍾意飛得起嘅嘢，最初諗住整飛機，大個就諗不如做機師」。
「唔能夠抹煞70年感情」
大學畢業後投考機師培訓計劃，順利踏入國泰，經歷18個寒暑，飛行、公司已成他生活的一部份，身邊都是航空界朋友，話題總離不開國泰生涯。
然而最令譚文豪產生歸屬感的，並非朋友的感情，而是國泰的社會責任，「試過外國有天災，國泰免費派出專機接港人回港，前兩年有班學生，因為英國領事館好遲先批visa，國泰當時收好平咁畀佢哋改機票」。沙士一役後，香港經濟蕭條，國泰更送出免費機票，重新吸引旅客訪港。
他坦言國泰有令人不滿的地方，但多年來與香港人風雨同路，「唔能夠因為一兩場交，抹煞70幾年感情。我好希望𠵱家嘅嘢係短暫，發生嘅嘢過去，會回復之前嘅國泰」。