【本報訊】香港近日突傳動用《緊急法》平定反送中示威活動，內地官媒鋪天蓋地打輿論戰，當外界預料中央要採取強硬手段，官媒《環球時報》前日卻突以溫和語調發表題為〈就維護香港高度自治說些大實話〉社評，強調高度自治的重要。
曾參與起草《基本法》的民主黨創黨主席李柱銘（圖）雖「認同」《環時》社評大部份觀點，但強調北京在對港政策上必須「行返回頭路」，返回真正高度自治的原點，「就要香港有普選，同唔可以再干預香港內政」。
「一定要有普選」
《環時》社評指要為香港現時整個局勢注入冷靜，並提出五個「回到香港高度自治的原點」之問題及內地公眾的基本看法。雖然該報過去屢針對香港民主派人物作攻擊，但李柱銘罕有「認同」該社評大部份觀點，如「香港高度自治是必須保持的」、「中國內地沒有直接治理香港的政治和法律資源」等，「唯一係如果取消香港高度自治，唔係香港『很可能』失去國際金融中心地位，而係『一定會』」。
不過李柱銘表示，要體現香港有高度自治，「就一定要有普選」，「四個特首如果唔係中央揀邊做到？但佢哋搞到香港一鑊泡，完全離開鄧小平嘅一國兩制」。他強調香港人至今爭取的，從沒有超出《中英聯合聲明》中所指的「基本對策方針」，「如果回到原點，就唔應該有『一國兩行白皮書』，唔應該講全面管治權，呢幾年香港好多事，好似一地兩檢同送中，係體現落實全面管治權多啲」。
對於《環時》社評指「香港不能夠選出一個與中央對抗的人做特首」，李柱銘反駁就算香港有真普選，都不會選出與中央對抗的人，「驚佢支持港獨？但大家都知港獨最多得少數人支持，咁點選贏？余若薇、梁家傑、何俊仁都認為佢哋係同中央對抗？大家只係爭取緊落實高度自治；美國支持《中英聯合聲明》，咁點會支持港獨？」
他又認為社評指不應把香港搞成「一國一制」或「一國1.5制」，但現實卻是內地早令香港變成「一國1.2制」，重申回歸初期港人對北京的信任度甚至高於港府，「因為當時特首唔得，北京都冇插手」，故希望北京明白香港現時如此局面「唔關我哋事」，「我哋甚至冇本事煽動上街，今次場運動唔要領袖，但北京到家陣都仲唔明；真係要說實話，係一直唔關香港事，解鈴還須繫鈴人，係因為北京一直唔畀高度自治我哋，佢實現唔到，只一直賴人係冇意思」。
■記者陳珏明