鄭子誠與太太劉倩怡前晚於尖沙嘴出席慈善攝影展揭幕，鄭子誠是今年影展的活動大使，他笑言跟太太參與這項活動好幾年，今年他親自操刀，為太太、4隻愛犬與外籍傭工拍攝合照，他謂忙於拍攝網劇與廣告，並等待接拍一部劇集，問到這位「陰謀情人」是否已定型？他笑說：「我都唔想，但係現實形象係咁，就算演正直嘅都要扭橋，好似應咗早排嘅對白，有錢就可以為所欲為。」
問到鄭子誠會否因拍攝此類劇集賺很多？他說：「我都走唔出演奸人，但好想俾人知道我係可以做一個立體嘅奸人，可以拍個角色嘅成奸之路，希望有一日可以做到立體奸人，好似任達華咁，當年睇佢嘅《新紮師兄》，睇電視都想打爆佢，印象好深刻，好似張家輝咁，都係我學習對象。」
採訪：羅慧敏
攝影：陳慧安