天水圍警署多次成為警民衝突的戰場，警署位於西鐵站附近，對出有一個巴士站，距離毗鄰的天盛苑僅一分鐘步程；每當出現激烈衝突場面，天盛苑亦首當其衝，警暴、濫捕情況不斷上演。在天盛苑住了四年的Cat表示，當初買樓選擇於警署後方，其中一個原因是感覺較安全；惟如今事與願違，「喺屋企都要食催淚彈，我唔覺有幾安全囉」。
Cat批評8.5大罷工當日，警方肆意炮製「催淚彈放題」，更擲入屋苑範圍近大堂位置，「啲煙飄咗上30幾樓，好多街坊嘅寵物都喊晒口」。後來，Cat也受催淚煙影響、手部出疹，卻不敢求醫，「既然我行過都會俾人拉，你點知睇醫生時會唔會俾人以為你係示威者？」法團及管理公司拒絕回應居民要求，竟容許防暴警衝入屋苑截查居民身份證，更令住戶人心惶惶。
天盛居民搞傾偈會自救
自己屋企自己救。一眾街坊自發搞組織，自費印製單張、擺街站，晚上在西鐵站貼連儂橋；更舉辦多次居民「傾偈會」，每次有近300名居民參加。
在該屋苑住了十多年的陳先生指，天盛居民一向無特別團結，直至發生催淚彈事件，將大家匯聚在一起。他又投訴當區區議員、實政圓桌的陳思靜未有回應居民訴求；曾被問及何以未有幫助被捕人士，陳思靜表示：「議員係做橋樑嘅，咁橋樑，你哋都要行出嚟先得。」言論令居民譁然。在「傾偈會」台上分享的雷先生亦表示，盼區選時有其他人參選，給他們多個選擇。
陳思靜於天盛選區連續兩屆當選，而因應屏欣苑入伙，天盛選區將分為兩個選區；有街坊透露，該區原本只有建制派人士出選，在反自動當選運動呼籲下，據悉已有非建制派人士考慮參與區議會選舉。