【西貢】現年51歲的魏駿傑08年迎娶細他19歲的重慶嫩妻張利華，育有8歲囡囡Jessica，二人結婚多年屢傳婚變，《蘋果》連月在魏駿傑西貢家等候，鮮有見到張利華蹤影，只見魏駿傑經常做湊女公。日前《蘋果》在西貢市發現張利華蹤影，穿黑色小背心跟紅白色花紋貼身半截裙的她，與一位女友人坐在餐廳嘆下午茶，心情看來相常不錯，不時傾至手舞足蹈。
稱有當媽媽責任
約黃昏6時，待她和友人道別後，記者上前表明身份，初時她有點愕然，但亦禮貌跟記者打招呼，問到老公魏駿傑在哪裏時，她說：「喺屋企。」問她最近被傳夫妻感情似乎不太好時，她顯得有點勞氣：「點解你哋成日都要傳我，係咪你哋傳我？其實我哋一家人好好，啱啱先過完生日，一家人食飯。」
張利華強調與魏駿傑夫妻關係好好，希望傳媒停止這些是非傳聞，她澄清本身有工作，如果空閒時都會湊女，只是老公較多人認識，所以才被人認出，但她絕對有湊小朋友當一位媽媽的責任。她表示若果再有類似報道，便會交給律師處理。
「個個屋企都嗌交」
張利華覺得多次傳聞，自己也選擇不作澄清，但已覺得有點過份，已經傷害到屋企，她說：「即係個個屋企都會嗌交，呢個好正常，但我哋嗌完交，解決咗就算，都希望你哋幫幫手，唔好再寫喇！」語畢，她便到附近櫃員機提款，離開時還微笑着向記者揮手，然後駕車返回西貢獨立屋。至於魏駿傑日前接受《蘋果》訪問，被問到和太太婚姻問題時，他說：「唔答喇！」追問他是否有事？他回應謂：「唔係有事，就係唔答啫，唔答唔代表有事㗎嘛。唔好意思。」
採訪、攝影：吳耀輝、孔志豪