繼689懸紅100萬緝捕天星碼頭丟國旗「暴徒」，今日有人以「803行動」名義喺唔同報紙刊登懸紅廣告，30單case夾埋懸紅金額足足有1,040萬，當中「拋國旗落海」同「塗污國徽」懸紅金額最高有成100萬，正當大家都諗緊邊個咁疏爽之際，原來網站入面話之後會眾籌「緝兇」，即係啲懸紅未有人認頭（圖）。
廣告合共列咗30宗自6月反送中開始嘅「暴力」個案，金額最高係「拋國旗落海」同「塗污中聯辦外國徽」事件，各自賞金都有100萬元，不過廣告最下面就寫明，報料人係要令罪犯落網同遭被「滿意檢控」，先有全數或得到部份賞金，廣告亦懸紅40萬為「721元朗衝突」緝兇，配埋白衣人襲擊市民嘅相。
有網民翻查懸紅網站803.hk嘅網域名稱，發現登記人叫梁振英，難怪佢今日都喺facebook發帖宣傳「803懸紅報料」。幾百萬懸紅比起5,000萬，真係算濕濕碎啦。