講時裝，就要望向國際，四大時裝周的英美意法；亞洲的日、韓，講來講去都未輪到香港時裝。外國的月亮特別圓是事實，以至香港時尚創意工業媚外絕對正常，這也是令香港時裝失去本土特色的原因。直至本地時裝品牌Yat Pit的出現，突破了這個既定模式。品牌的兩位設計師Jason和On Ying，以深水埗為核心，一個被認為是最平民、最尋常、最混雜的地方，打造出一個令香港人有共鳴、外國人感興趣的品牌，透過貼地、港式和地下文化建立獨有的形象，也帶領時尚界重新發現當下身處的地方種種被忽略或被看輕的寶藏。
撰文：楊慧珊
攝影：郭賢興
品牌名字「一丿」（Yat Pit），代表中文字筆劃的「一撇」，2014年由Jason Mui和On Ying Lai創立，品牌名字由來基於On Ying家中長輩經常說的廣東俗語「十劃都未有一撇」。
Jason在英國土生土長，On Ying則生於香港，後來到英國留學，二人都是讀時裝出身。回流後，他們找到時裝相關的工作，之後經朋友介紹下認識，Jason說：「當時剛剛畢業，發現大家對時裝的睇法一致，而且創作充滿熱誠，然後就决定一齊搞個品牌。」On Ying說當初一片丹心，大家為此做很多資料搜集，希望為品牌找個方向，「我們都是接受外國教育，返來後發現，其實我唔係咁想做嗰樣嘢（一般的），我有自己嘅idea想做，香港好多好有趣嘅本土特色，未有人去發掘。」又說：「我們在大品牌工作，你要公司嘅identity去做，我哋成立自己品牌嘅原因就係想將返工做唔到嘅東西，喺Yat Pit中表現出嚟。」
混雜成創意之源
二人選擇以深水埗為基地，貪這裏物價低廉，又方便，而且是成衣原材料中心，當時以深水埗為工作室的時裝品牌少之有少，以深水埗為基地更加是零，On Ying表示：「回流香港，再接觸深水埗，覺得呢個地方好似英國嘅Dalston。英國設計師Christopher Kane當初都係喺Dalston買一啲好平價嘅蕾絲布去造一個好驚艷嘅系列，俾我哋意識到要做好嘅設計，唔一定要買貴材料，最重要都係創意，可以將腐朽化神奇。」Jason覺得深水埗好有親切感，它的混雜，就是他的創意之源，On Ying補充：「呢度有好多光怪陸離嘅事情會發生，呢啲事情反而係國際間最有興趣，最想去理解，所以本土嘅東西先係最international。」在深水埗隨處可以見到香港人的生活智慧，阿婆用扣針扣着爛掉的褲，有人會在街上剪指甲，又有人會着睡衣出來做運動，這些好Michael Wolf式的靈感，全球獨家。Jason說：「街上嘅靈感真係太多，最重要係如何選取同運用。」
連儂牆黑色幽默
香港今天的面貌和他們當初搞品牌的時候，已經有着巨大分別，作為以本土文化為核心的品牌，都巿中的種種變化對品牌一定有影響，On Ying說：「𠵱家香港喺全世界嘅目光之中，非常刺激到我哋嘅創作，雖然每日都有令人非常憤怒嘅事件發生，但慶幸當中又會得出一點幽默，如你到連儂牆一睇，見到嗰啲memo嘅message，係會爆笑。」Jason就說：「連儂牆好震撼，傳遞着好強嘅信息，好有啟發性，我會影相，細心睇留言做research。」港式幽默是Yat Pit其中一個重要元素，他們經常重溫周星馳的電影，現在流連社交媒體、連儂牆，透過黑色幽默平衡心情，也為作品帶來更有時代感的元素。
服務人人精神
Yat Pit的貼地，也是他們背後成軍的哲學，Jason說：「同一般時尚concept要好privilege、好VIP、有guest list唔同，Yat Pit好inclusive，希望所有人都可以體驗Yat Pit嘅東西，希望同更多觀眾（客人）交流，呢啲係我哋嘅推動力。我哋好希望令其他人明白，做事、睇事情係可以有唔同嘅角度，無論你對時裝有冇興趣，當佢哋睇到Yat Pit嘅作品時，都希望可以inspire到佢哋。」藉着呢個概念，又回到On Ying之前說的「要打破既定的概念」的原點。
品牌以off schedule的模式營運，希望保持自己的節奏去發展，以project形式推出作品，重質不重量，On Ying表示：「之前我哋同FFF喺深水埗開牌檔，係個好好嘅體驗，親身接觸到唔同層面嘅人。」自家品牌的自由度能讓他們每個project都以不同的方式進行和呈現，Jason說：「牌檔呢個系列嘅catalogue、lookbook等巿場推廣係跟Jade Palace（online shop）合作，我哋特別做咗幾款產品專為佢嘅網店而設。」Jason披露他們正與香港滑板品牌Victoria Hong Kong合作，「我們好鍾意同唔同範疇嘅單位合作，希望為其他單位帶嚟唔同嘅火花。」之前Yat Pit和香港rapper Youngqueenz合作，更出了一首以品牌命名的歌，不按牌理出牌下創作非常刺激有新意，為香港創意行業帶來全新的氣氛，期待Yat Pit之後的作品繼續帶來wow effect。
更多精采時尚內容，盡在 http://add.appledaily.com。