教育局叫老師開課後,以「我唔知」「我唔多理解」迴避學生關於這個逆權暑假的種種疑慮提問。
楊局長懶醒教老師扮低B,學警隊公關記招。咁,假如有學生問:「點解荃灣眾安街幾個差佬踢開一個擋住佢開槍的大叔?四五支槍射住街坊與記者?」楊局長er一大輪後回答:「根據我手上資料,佢唔係踢,係腿部動作大咗少少,或者係,佢春袋忽然痕癢難耐啫。」學生再問,作文寫「黑警死全家」是否零分?楊局長代答「絕對係!」「如果老師咁講呢?」老師搶先回答澄清冇講過。「校方或者楊局長插贓嫁禍你又點先?」冷汗直標的老師,跪求學生唔好玩佢。「老師,唔止黑警死全家,齋講香港人加油,都過唔到西九,預咗被嫖妓!」老師就快隨校方北上交流,面都青晒真心回應「我真係唔多理解。」
雖然上述對話是模擬,但當白色恐怖攻入各行各業,政治唔入校園嗎?等於暴警在民居中放催淚彈話唔會吹入屋,你相信?天方夜譚啊。老師與學生,從這個槍林彈雨的暑假倖存下來,能整整齊齊回到校園,卻只能對「無後顧之憂」的暴警與暴政閉嘴扮我唔知?楊潤雄局長若然將罷課師生「被國泰」,你梗係跌咗良心頂啦!