回復自由身的宋熙年，坦言工作上的選擇變多：「前面好多條路，可以從商，可以專注湊仔，又可以去其他電視台拍劇，所有嘢可同時發生，唔一定要揀同一條路。」自問周身刀的她：「雖然唔係張張利，但身上有好多把刀，可以邊試邊磨。我未來唔係要攞乜嘢獎，唔係要知名度提升三倍，亦唔係要賺幾多錢，只係每年都挑戰自己一個目標，試啲新嘢。」已為人母要兼顧工作之餘，同時她會安頓好即將1歲的兒子，讓家庭和事業都得到平衡，她承認比單身時肯定忙碌兩倍。
問到有機會拍劇想演甚麼角色？宋熙年說：「最想扮街市妹或賣魚妹，我覺得會好有發揮，觀眾只見我做主持時淡定一面，鏡頭後我係真性情嘅人，豪邁粗魯，扮賣魚妹唔使化妝，我應好enjoy着住膠水鞋踩水氹。」她謂不介意踩入魚檔實習學劏魚。