一名15歲學生喺一個法文測驗中，看圖作答中喺山羊（GOAT）一欄度填咗基斯坦奴朗拿度（C朗、小圖）個名，結果就梗係肥佬啦。呢位學生事後喺twitter就解釋，佢當時做緊呢題看圖作答嗰陣，就唔記得咗山羊嘅法文應該係咩，所以先咁填：「我考試嗰陣唔記得咗山羊法文點寫，但又唔想漏空佢喎，於是就答個有趣啲嘅答案喇。」其實「GOAT」都係Greatest Of All Time嘅縮寫，係「有史以嚟最偉大」嘅意思，呢個曼聯球迷亦表示佢認為C朗係球壇最佳球員，而唔係美斯：「如果問我邊個係GOAT，好多人都話係美斯，但作為曼聯球迷，我認為C朗呢位前曼聯球員先係最好。