每逢英超比賽日，英國警方（圖）都出動大量警力喺球場內外維持秩序，不過原來呢項服務花費好貴，英媒近日就披露咗份倫敦警察喺上季英超嘅出勤記錄同使費，發現原來大部份費用都係由納稅人埋單，球會就只係分擔好少部份。以英超五大倫敦球會為例，佢哋上季涉及嘅金額就超過500萬鎊，但5間球會最後只係夾埋只畀咗約40萬鎊，其他費用就由納稅人「硬食」。原來球會只會就球場範圍或球會所屬土地內嘅保安工作畀錢，至於場外所需嘅警力就由政府負擔。上季熱刺就係要英國警方使最多錢嘅球會，全季用咗成140萬鎊，但球會就只係畀咗約12萬鎊箒，唔知英國嘅阿仙奴球迷會唔會覺得交稅交得唔忿氣呢？