各位恩客大佬：
今早，我邀請了一班希望解開搵食困局搭建對話平台的有心人（雞蟲），走進「奶賓府」（我搵食地盤仔），幫一樓一姐姐仔搵出路。
目前困局社會怨氣很深，部份客人對姐姐仔未能全部滿足五大訴求（即「五味全套」）缺一不可，感到非常不滿，甚至憤怒，還有人在門口、樓下、街燈柱貼memo示威趕客，生意一落千丈，玉石俱焚──雖然這五千年來古老行業不會壽終正寢，隨時借屍還魂重張旗鼓，但他們叫我返歸去大灣區搵食，就欺人太甚了！
但持續抗爭並非出路，㩒鐘仔好淡靜，我知衰，因為見到D黑衫人坐地鐵畀人打、行街畀人斬、連返屋企都畀管業處管理員趕，我一時勢利揀客，得罪人，搞成咁，收唔到科。
老實講，老公唔理仔女唔認，我一個女人仔都好辛苦，正所謂「過門都係客」，不分階層、不分顏色、不分年齡：差佬、公安、爛鬼、蠱惑仔、叔父、毒男、智障、地盤佬、青頭仔……甚至有官員參與，我都樂意服務。
我會用心找出根源和解決方法，希望各大佬開會，先踏出第一步──大家都累了，我們可否坐下來談一談？瞓低出一出火？
一樓一蛾姐