【本報訊】白色恐怖伸延至國際，一直支持反送中運動的歌手何韻詩（圖）下月初獲邀到墨爾本與中國異見漫畫家巴丟草一同出席關於「藝術與抗爭」的講座，她引述主辦單位澳港聯指在尋覓場地時遇上困難，就連公營的澳洲維多利亞國立美術館（National Gallery of Victoria，NGV）亦疑因安全理由拒絕租場，相信是擔心當地中國留學生或示威者踩場而落閘，何強調有關白色恐怖已蔓延至國際，「喺呢啲時候更加要發聲，令國際間正視」。
疑怕華留學生搞事
何韻詩接受《蘋果》查詢時指，「表面證供睇嚟，NGV可能怕中國留學生踩場，怕要警察麻煩而拒租，但其實我哋係冇做錯㗎嘛，點解懲罰我哋而唔係懲罰嚟搗亂嘅人？」她特別指NGV是政府機構，竟然也如此輕易退讓，認為情況必須正視。
香港示威者持續抗爭，何韻詩未來三、四個月會續到全球不同地方出席講座等反映香港實況，她透露會嘗試約見當地政黨的有影響力人士，「希望畀外國知道，香港情況到底係點，（白色恐怖）唔止喺香港或大陸受影響，係全球都會受影響」。
■記者謝明明