英格蘭球星朗尼過去一直都好鍾意飲酒，不過不時飲完都會出事，最近又有狗仔隊捕捉到佢同班隊友一齊落bar飲嘢，玩到五點半先返酒店，仲有女伴一齊上酒店房。朗尼夜蒲攬女嘅相曝光之後，老婆高蓮嬲到震。據報，有指朗尼同幾位華盛頓聯隊隊友去飲嘢，着住一身灰色連帽衛衣嘅佢飲到差唔多五點半先返酒店，但就被人影到佢同位着白衫嘅女子一齊有講有笑咁入咗電梯。目前朗尼嘅經理人可能因為冇資料喺手，所以冇講任何嘢。高蓮喺朗尼攬女嘅相曝光後就飛咗去美國，要求朗尼提早同華盛頓聯隊解約返英國，據報高蓮返機場時左手無名指仲戴住結婚戒指，但之後俾人影到現身柴郡街頭時，手上隻戒指已經唔見咗。