容祖兒前晚在紅館為「Pretty Crazy演唱會」舉行尾場，全場爆滿，祖兒媽媽、四太梁安琪、狄波拉、鄭欣宜、周汶錡、黃偉文及周秀娜等到場欣賞。演出前繼續有不少觀眾自發大叫「香港人加油」、「光復香港時代革命」，兼拍掌歡呼互相打氣。祖兒延續過往多場水準，全晚傾力演出，繼邀得張學友及劉德華兩大天王擔任嘉賓後，尾場就有金句王黎明助陣。
「good luck」
黎明出場前，祖兒興奮向觀眾說：「呢位嘉賓係我㗎，代表住我嘅青春。」並行到台中心踎低說：「我暈啦。」之後唱出一段黎明的歌曲《夏日傾情》介紹嘉賓出場，觀眾叫聲震天。唱完歌的祖兒仍然相當興奮，黎明說：「𠵱家係10點52分，平時我演唱會10點半就完，𠵱家應該陪緊個女瞓覺。」祖兒抱歉說：「唔好意思，阻你湊女。」接着透露有次在餐廳碰到黎明，便邀請對方做嘉賓，獲一口答應，祖兒說：「當時見到你真係好興奮，無啦啦見到黎明。」黎明即爆金句：「因為夜晚見到黎明係咪？」祖兒再問可有金句贈自己？黎明說：「你頭髮好金，good luck。」然後兩人合唱《儍癡癡》。
兩度安哥
祖兒兩度安哥，唱到凌晨12時40分才為19場演出畫上句號。慶功受訪時，她自言表現超乎預期：「我5月開始病，病得好緊要，當時仲擔心演出，特登喺南京搵咗醫生飛過嚟，呢幾日要日夜幫我針灸。」對於Twins爆她有不少人追求，祖兒笑言：「佢哋報大數，不過咁多晚都已經有好多男人同我講I love you，從來都未試過。」劉浩龍早前疑似用另一個Ig賬戶上載「MY JOEY」車牌相片，又留言用粗口鬧何韻詩，祖兒說：「呢啲嘢唔回應啦，總之最錫我嘅朋友今次都有睇我演出。」
採訪：曹家誠
攝影：仇志德