【本報訊】天馬苑商場「遺城」多年，業主近日終於有新動作，瞄準銀髮市場商機，有意將商場改頭換面變成安老院。對於商場變天，部份街坊表示不知情，對安老院進駐而趕走民生店舖表示反對，希望大翻新後有更多店舖方便日常起居生活。
天馬苑居民吳小姐表示：「就算以前有商場，都會行到樂富購物，步程大約15分鐘，一直都唔會留喺天馬苑買嘢，因為少選擇。」對於商場將改建租予安老院，她認為不太好：「因為以前有比較方便嘅藥房，𠵱家日用品都唔係咁易買到。同埋連啲餐廳同酒樓都無，我哋呢度係舊區嚟嘛，好多老人家，咁佢哋去邊度飲茶呢？無錯係可以去樂富，但係佢哋推住輪椅，好唔方便。」居民莫太認為，商場商舖遷出對日常生活有影響，令她買餸或食飯都會選擇前往樂富，需步行約15至20分鐘。
另外，在天馬苑商場經營藥房十多年的張老闆表示，原本租用二樓舖位，約滿後改租樓下一樓舖位繼續經營，租金有加少許，已經於現舖位經營約兩年，生意與之前相差不大。對於商場翻新，他表示：「整靚啲梗係好啦，整靚啲多啲人嚟行。」