蘇慧恩和梁奕藍前晚在九展舉行慈善音樂劇《慧藍的告白》，遇上觀塘遊行依然如期舉行，入座率只得一半，蘇慧恩說：「我哋有傾過，就算得一個觀眾都會照做，而且台前幕後嘅人到晒。」梁奕藍表示不管多少人入場，也當全院滿座：「好多朋友都支持我哋，而且呢個係慈善騷，有朋友話如果嚟唔到，若有巿民被困九展，可以邀請佢哋入場睇，不過暫時冇人話退票。」
梁奕藍和蘇慧恩在劇中飾演一對情侶，現實中他們也認識多年，但有時因意見不同，會出現磨擦，蘇慧恩說：「我哋不打不相識，因為大家都係做製作，都有自己嘅意見，但鬧完交好快冇事。」梁奕藍笑言對方變小鳥依人，他就會心軟讓步。會否擦出愛火花？他們決絕表示不會，蘇慧恩說：「我係唔會做第三者，真實大家唔過電。」
採訪：王連連
攝影：林賓尼