蕭先生以約645萬元買入荃灣愉景新城兩房單位自住，點慳都會重新打造廁所。裝修佬平台聯合創辦人鄧世民（Simon）提醒蕭生注意揀磚及防水層，事關牆磚與地磚不同，兩者吸水率有別，牆磚一般需要浸水後鋪貼。坊間九成師傅用英泥寶做防水層，怕未夠穩陣，可考慮增加額外防水物料，例如「西卡107」防水塗料、防水黑膠等。
鄧世民表示，英泥寶又稱「牛奶水」，市面有九成師傅採用這種防水物料，混合英泥作底層，然後鋪設英泥沙鋪磚，是防水基礎層，如果師傅手工好，防水功效綽綽有餘。但有人擔心單靠英泥寶未夠穩陣，於是會在英泥寶上，再塗一層額外防水物料，例如「西卡107」防水塗料、防水黑膠等等。「西卡107」像一層膠膜包住浴室，是最普遍的額外防水物料。黑膠一般用於天台，其彈性高、較穩定，但較少人用於室內，因為乾透後表面滑，難鋪穩瓷磚。
牆磚地磚吸水率有別
揀浴室瓷磚注意地磚還是牆磚，地磚可以鋪上牆，牆磚是不可以鋪地面，兩者分別在於吸水率，地磚一般是高溫磚，吸水率低，鋪地夠實淨，鋪牆身也無問題。牆磚是低溫磚，吸水率高，如果沒浸水，一鋪上牆就將英泥水份吸去，容易出現空鼓，所以鋪前需要浸水「餵飽」它。浸水時間視乎產地、天氣等，見過有牆磚需要浸過夜。比較價錢，一般牆磚較地磚便宜，但兩者款式不同。在選購牆磚時，消費者留意磚面花紋及磚的大小，如在細空間鋪大面積牆磚，好處是少磚隙、耗損度低，但工錢和料錢會較貴。其實十多元一呎的牆磚價廉物美，已好夠用。