【本報訊】港鐵公司忽然「勇武」，以封站停駛手段妨礙觀塘遊行，原來早在上月底，全國政協副主席、前特首梁振英已在facebook提議出此下策。他當時提出，因應遍地開花現象，要求港鐵公司暫停服務。
黃秋生轟林鄭用油救火
未能連任特首的梁振英在卸任後一直對特區事務指指點點，他上月底在facebook發帖向港鐵發炮：「各區居民被開花，所謂十八區遍地開花的暴力行動有兩個必然現象，一是示威者衝擊的都不是當地人……二是外區人開花後絕大部份要靠港鐵離開。本區人的生活反正都受被開花搞亂，不如清楚向港鐵公司要求在被開花日暫停半日服務，謝絕人入侵！」
影帝黃秋生昨日則在facebook評論事件，叫公眾勿責怪港鐵，「咁都睇唔出？好明顯港鐵係發爛渣啦，你叫我做一分我畀多兩錢肉緊，做夠十分，你叫我封一個站我封夠七個，滿意未？下次使唔使封晒所有站？」
他形容，港鐵在未開始遊行就先搞亂交通，「你話港鐵係咪助攻緊呢？既然你唔滿意我疏通人群，咁就塞爆交通囉。林鄭，咁樣畀壓力公共機構迫使參與擾亂市面，用油救火，將所有唔係抗爭嘅師奶、大叔都激到同政府反面。用啲咁白癡嘅方法，你覺得會有市民覺得你有誠意，同你坐低傾咩？搞掂你後面啲攪屎棍先啦」。