觀塘遊行昨日結束後，大批示威者集結在偉業街，警方隨後施放催淚彈驅散，情況非常混亂，何韻詩昨日也有參與觀塘遊行，還在fb開live直擊。阿詩一直在牛頭角警署對面，從高處直擊現場情況，見到有人被捕，她發出「唉」聲說：「再放催淚彈喇，好，我諗緊係咪可以行落去……我係咪應該落去呢？其實呢邊係有一堆防暴頂住條路，其實兩邊都係有……等我思考吓應該去邊邊行，等我off一off先，我行咗再話畀大家聽。」
阿詩在下午約4時40分終止直播，《蘋果》也有聯絡何韻詩，但未獲回覆。阿詩隨後再開live，她解釋：「我哋頭先喺工業大廈度俾人圍住，警察態度惡劣，叫我哋落去又唔畀我哋落去，我哋頭先係被困嘅。」直播期間，她還拖着一位女視障人士離警方驅散範圍，但一路找不到離開方向，她形容：「好似荒島一樣。」阿詩指曾向警方查詢如何讓視障人士離開，但遭警方呼喝。
撰文：翁可人