無綫劇《愛．回家之開心速遞》6月已出現過示威場面，不過近日有傳無綫因怕涉及敏感的政治場面，將講述員工向「大龍生」羅樂林示威的一集臨時抽起，引起演員及工作人員不滿。
劉丹昨日在電視城出席活動，他表示沒有參與演出，不知道實際情況。問到若有示威場面，是否會覺得觸動觀眾情緒，劉丹說：「應該冇嘢嘅，輕輕帶過開開心心咁啦，𠵱家大家壓力都好大，希望有啲開心嘢，大家笑吓囉。」劉丹在劇中模仿屯門「Happy伯」與大媽在公園跳舞，劉丹就指主題正面：「唔係反對啲人去跳舞，但就好多人投訴話太嘈，希望就算大家唔好淨係掛住自己開心，等大家開心都得。」
撰文：翁可人