焦媛和廖安麗主演的舞台劇《色戒》昨晚在屯門公演，兩人騷前進行最後綵排，其中一幕講述廖安麗妒忌焦媛迷人身段引誘男人，於是一邊用力揸她的胸部，一邊辱罵。雖然只是綵排，但廖安麗已經非常肉緊地演，差點聽不到導演叫停。廖安麗忘記有否跟女演員演過親熱戲，但揸女性胸部是第一次，連計之前排練時間，足足揸了兩個月，她笑指手感越來越好。
原來焦媛為了這幕戲，需要受皮肉之苦，她說：「因為條裙好貼好透，如果放兩部耳機喺腰會好核突，一企側身好易令觀眾見到而跳線，所以我將兩個耳機放喺胸圍入面。因為咁，一揸落去，部機就頂住胸口。」排練時，兩人埋身戲曾被導演指感覺太似演女同性戀者，經調整後才帶出妒忌同性感覺。
採訪、攝影：馬建華