【西貢】現年42歲的陳山聰與拍拖五年的圈外女友Apple，已定於11月1日結婚，雖然婚事在即，但他亦忙於為無綫新劇《大步走》開工，今次更是他首度擔任男主角，可謂事業愛情兩得意。前日下午3時左右，準新郎陳山聰與張國強、姚子羚、寶珮如及曾航生等在西貢拍攝《大》劇外景，陳山聰受訪時透露婚禮一切從簡，也不會邀請舊愛何超雲出席。
埋位前自拍
前日拍攝的劇情講述陳山聰和張國強帶領一班業餘人士一齊跑步，雖然天氣又熱又焗，但人逢喜事的陳山聰全程笑容滿面，心情靚絕，即使不用埋位，他都沒有返回車廂休息，反而和拍檔齊齊在路邊玩自拍，有說有笑。其間有市民上前要求陳山聰合照，他亦來者不拒。
陳山聰大約拍了一個多小時收工，當上前恭喜他即將小登科時，他即雙手合十說：「多謝。」問到心情如何？他笑說：「唔係太緊張，因為應該要處理嘅事都處理晒，剩番少少交畀另一半去搞。」
簡單食餐飯
問到婚禮會否邀請圈中好友出任兄弟姊妹團？陳山聰表示：「唔會啦，一切從簡，因為女朋友想低調，我哋只係想開一個party，一班好老友嘅朋友食餐飯。」會否邀請舊愛超雲出席？他想也不想便說：「唔會喇，只係好簡單食餐飯，真係好似開party咁，一切玩新郎嘅環節都冇，唔好當飲宴，當係一個party。」
陳山聰在2011年曾經跟賭王何鴻燊三房千金超雲拍拖，之後爆出他已跟前妻Ponny離婚，陳山聰當時直認不諱，但強調跟第三者無關。陳山聰和超雲的戀情只維持了短短兩年便分手收場，當年失戀、失去事業和失去友情的他收拾心情回歸無綫由頭開始，大約一年後結識圈外女友Apple，兩人一直感情穩定，最終修成正果。
採訪、攝影：徐錦池、吳耀輝