【本報訊】昨記者會上，施安娜多次飲泣，提及被解僱的委屈，或憶述在港龍17年歲月，她雙眼泛紅，但一直強忍淚水，「唔想衰俾人睇」。她多次強調，同事明白國泰港龍面對中央壓力，願配合也一起去撐，「可惜公司放棄我」；更諷刺是，導致她被炒的其中一幅fb截圖，開首一句是為國泰護航，「公司其實一路都冇出賣過員工……」
「我大學畢業第一份工就係港龍。」那是2002年7月，施獲聘任為空中服務員。雖是國泰姊妹公司，但她對這間以香港為基地的航空公司感自豪，形容昔日港龍精神是團結，「我係一日比一日更愛我嘅工作，呢點冇人可以質疑」。
不值同事遭藍絲出賣
2010年港龍空勤人員協會發起遊行抗議「地獄更」，施都有參與，並由2016年起任工會主席。施指自中國民航局向國泰發風險警示，資方已要求工會合作，同事也願意配合。她更在fb發文護航，「公司其實一路都冇出賣過員工，他們寧願自己辭職」，只是不值部份藍絲不斷出賣同事，結果這發文成為她被炒「罪證」之一，「好可悲，但冇後悔，因為我冇講錯嘢」。
■記者王家文